२३ कार्तिक २०७७ , आइतवार

थप २८१७ जनामा कोरोना संक्रमण, संक्रमितको संख्या २ लाख नजिक पुग्यो

हेल्थ टिभी अनलाइन \काठमाडौं : नेपालमा थप २८१७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज देशभर २८१७ जनामा कोरोनाको संक्रमण पुष्टि भएको हो ।

योसँगै नेपालमा कुल कोरोना संक्रमितको संख्या २ लाख नजिक पुग्न लागेको छ । हाल देशभर १ लाख ९४ हजार ४५३ जनामा कोरोना संक्रमण पुष्टि भएको छ ।

यी मध्ये १ लाख ५७ हजार ९२६ जना संक्रमित निको भइसकेका छन् भने ३५ हजार ४१९ जना सक्रिय संक्रमित आइसोलेसनमा रहेका छन्।

उता गत २४ घण्टामा थप २१ जनाको कोरोना संक्रमणका कारण मृत्यु भएसँगै नेपालमा कोरोनाबाट ज्यान गुमाउनेको संख्या ११ सय ८ पुगेको छ ।

मन्त्रालयका अनुसार कोरोनाको आशंकामा ११ सय ४९ जना क्वारेन्टाइनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।