हेल्थ टिभी अनलाइन \काठमाडौं : नेपालमा कोरोना आशंकामा पीसीआर परीक्षण गरिएकामध्ये १२ प्रतिशतलाई कोरोना भाइरस संक्रमण देखिएको छ ।

स्वास्थ्य तथा जनसंख्या मन्त्रालयका अनुसार नेपालमा पीसीआर परीक्षण गरेकाम्धये १२ दशमलब ४ प्रतिशतलाई कोरोना संक्रमण पुष्टि भएको पाइएको हो । नेपालमा सरदर दैनिक रुपमा १० हजार जनाको कोरोनाको आशंकामा पीसीआर परीक्षण हुने गरेको छ ।

त्यसमध्ये १२ प्रतिशतमा मात्रै कोरोना पाजेटिभ देखिंदै आएको मन्त्रालयले जनाएको छ । यसैगरी कोरोना संक्रमितमध्ये मृत्यु दर शुन्य दशमलब ६ प्रतिशत रहेको पनि मन्त्रालयले जनाएको छ ।
नेपालमा हालसम्म देशभरका निजी र सरकारी गरी ७० वटा प्रयोगशालामा १५ लाख १७ हजार ३४३ जनाको पीसीआर परीक्षण गरिएको छ । ती मध्ये १ लाख ८८ हजार ८८३ जनामा कोरोना संक्रमण देखिएको छ ।

संक्रमित मध्ये ८१ प्रतिशत निको हुने दर रहेको पाइन्छ । हाल देशभर ३४ हजार ९०५ जना सक्रिय संक्रमित रहेका छन्।