हेल्थ टिभी अनलाइन \पोखरा  : गण्डकी प्रदेशमा १ महिने शिशुसहित आज थप ४ जनाको कोरोना संक्रमणबाट मृत्यु भएको छ ।

गण्डकी मेडिकल कलेज र पोखरा स्वास्थ्य विज्ञान प्रतिष्ठानमा उपचाररत ४ जना कोरोना संक्रमितको मृत्यु भएको हो ।

गण्डकी प्रदेश स्वास्थ्य निर्देशनालयका अनुसार प्रतिष्ठानमा तीन र गण्डकी मेडिकल कलेजमा एकजना संक्रमितको उपचारको क्रममा मृत्यु भएको हो । मृत्यु हुनेमा पोखरा महानगरपालिकाका एक महिने शिशुसहित तीन र बाग्लुङको जैमिनी नगरपालिकाका एकजना २९ वर्षीय पुरुष रहेको निर्देशनालयले जनाएको छ ।

योसँगै गण्डकीमा आजसम्म कोरोना संक्रमणबाट मृत्यु हुनेको संख्या १ सय पुगेको छ ।