२० कार्तिक २०७७ , बिहिबार

कोरोना परीक्षण र उपचारमा शुल्क लिन पाउनुपर्ने सरकारको माग सर्वोच्चद्वारा खारेज

हेल्थ टिभी अनलाइन \काठमाडौं : कोरोना (कोभिड -१९) को परीक्षण र उपचारमा शुल्क लिन पाउनुपर्ने भन्दै सरकारले सर्वोच्चमा पेस गरेको निवेदन खारेज भएको छ।

कोभिड -१९ को परीक्षण र उपचारमा सरकारले शुल्क लिन थालेपछि सर्वोच्चले नि :शुल्क गराउन आदेश दिएको थियो।

सर्वोच्चको यो आदेशपछि सरकारले उक्त आदेशको पुनरावलोकन गरिपाउँ भन्दै निवेदन दर्ता गराएको थियो। सो निवेदनमाथि सुनुवाई गर्दै बिहिबार शुल्क लिन नपाउने फैसला गरिएको हो। न्यायधीशहरु हरिकृष्ण कार्की, सपना प्रधान मल्ल र पुरुषोत्तम भण्डारीको संयुक्त इजलाशले सरकारका तर्फबाट स्वास्थ्य तथा जनसंख्या मन्त्रालयले दर्ता गरेको निवेदन खारेज गरेको हो।

यो निवेदन खारेज भएसँगै कोभिड -१९ को परीक्षण र उपचार अबदेखि सरकारले निःशुल्क गर्नुपर्ने भएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।