१८ कार्तिक २०७७ , मङ्लबार

काठमाडौं उपत्यकामा थप १४६८ जनामा कोरोना संक्रमण

हेल्थ टिभी अनलाइन\काठमाडौं : काठमाडौं उपत्यकामा गत २४ घण्टामा थप १४ सय ६८ जनामा कोरोना संक्रमण पुष्टि भएको छ ।

देशभर थपिएका ३ हजार १ सय १४ मध्ये काठमाडौं उपत्यकामा मात्र १४ सय ६८ जना थपिएको स्वास्थ्य तथा जनसंख्या मन्त्रालयले जनाएको छ। आज संक्रमण पुष्टि हुनेहरुमा काठमाडौंका १२ सय ४२ जना, ललितपुरमा १६३ जना र भक्तपुरका ६३ जना रहेका हुन्।

योसँगै काठमाडौंमा ६५ हजार ७ सय ८८, भक्तपुरमा ५ हजार ९ सय ६६ र ललितपुरमा ९ हजार ३ सय १४ जना संक्रमित पुगेको छ।

काठमाडौंमा हालसम्म २ सय ४९, भक्तपुरमा ६८ र ललितपुरमा ६३ जना संक्रमितको मृत्यु भइसकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।