काठमाडौं उपत्यकामा थपिए १८८८ जना संक्रमित

हेल्थ टिभी अनलाइन\ काठमाडौं : काठमाडौं उपत्यकामा शुक्रबार थप १८८८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा थप १८८८ जनामा कोरोना पुष्टि भएको हो । यी मध्ये ७८१ जना महिला र ११ सय ७ जना पुरुष रहेका छन्।

यसरी संक्रमित हुनेहरुमा काठमाडौंका १५ सय ८ जना, भक्तपुरका १३१ जना र ललितपुरका २४९ जना रहेका छन्।

हाल काठमाडौंमा सक्रिय संक्रमितको संख्या १६ हजार २४२ रहेको छ । यसैगरी भक्तपुरमा ११ सय ६५ र ललितपुरमा २३ सय ४५ रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।