१४ कार्तिक २०७७ , शुक्रबार

थप ३५१७ जनामा कोरोना संक्रमण पुष्टि, ४ हजार ९६ जना डिस्चार्ज

२४ घण्टामा थप १६ संक्रमितको मृत्यु

हेल्थ टिभी अनलाइन \काठमाडौं : नेपालमा शुक्रबार थप ३५१७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ३५१७ जनामा कोरोना भाइरस संक्रमण पुष्टि भएको हो ।

योसँगै नेपालमा कुल कोरोना संक्रमितको संख्या १ लाख ६८ हजार २३५ पुगेको छ । यसैगरी गत २४ घण्टामा ४ हजार ९६ जना कोरोना संक्रमित कोरोना जितेर डिस्चार्ज भएका छन्। आज डिस्चार्ज भएकासँगै नेपालमा हालसम्म कोरोना संक्रमणमुक्त हुनेको संख्या १ लाख २८ हजार ९५८ पुगेको मन्त्रालयले जनाएको छ ।

यसैगरी पछिल्लो २४ घण्टामा थप १६ जना संक्रमितको मृत्यु भएको छ । योसँगै कोरोना संक्रमणबाट ९२० जनाको मृत्यु भएको छ ।

हाल देशभर ३८ हजार ३५७ जना सक्रिय संक्रमित रहेका छन्। २६ सय ६६ जना कोरोनाको आशंकामा क्वारेन्टाइमा रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।