काठमाडौं उपत्यकामा थपिए १५३५ कोरोना संक्रमित

हेल्थ टिभी अनलाइन \काठमाडौं : काठमाडौं उपत्यकामा पछिल्लो २४ घण्टामा थप १५३५ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार काठमाडौंमा १२२५, भक्तपुरमा १६३ र ललितपुरमा १४७ जनामा कोरोना संक्रमण पुष्टि भएको हो ।

काठमाडौंमा हाल १९ हजार ८२६ जना सक्रिय संक्रमित रहेका छन्। यसैगरी भक्तपुरमा १४ सय ९४ र ललितपुरमा २४ सय ३० सक्रिय संक्रमित रहेको मन्त्रालयले जनाएको छ ।

उता काठमाडौंमा १९३ जना, भकतपुरमा ५६ र ललितपुरमा ५४ जना कोरोना संक्रमितको मृत्यु भइसकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।