हेल्थ टिभी अनलाइन \काठमाडौं : नेपालमा थप २८५६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप २८५६ जनामा कोरोना संक्रमण देखिएको हो । योसँगै नेपालमा कुल कोरोना संक्रमितको संख्या १ लाख ५८ हजार ८९ पुगेको छ । यसैगरी गत २४ घण्टामा कोरोना जितेर डिस्चार्ज हुनेको संख्या ३३३६ रहेको मन्त्रालयले जनाएको छ । आज संक्रमणमुक्त भएकाहरुसँगै हालसम्म कोरोना जित्नेको संख्या १ लाख ११ हजार ६७० पुगेको छ ।

मन्त्रालयका अनुसार आज थप ५ जना कोरोना संक्रमितको मृत्यु भएसँगै हालसम्म कोरोनाबाट ज्यान गुमाउनको संख्या ८४७ पुगेको छ । आजसम्म देशभर सक्रिय कोरोना संक्रमितको संख्या ४५ हजार ५७२ रहेको छ ।

उनीहरुमध्ये आधा भन्दा बढी संक्रमित होम आइसोलेसनमा रहेका छन्।