८ कार्तिक २०७७ , शनिबार

काठमाडौं उपत्यकामा थप १११० जनामा कोरोना संक्रमण

हेल्थ टिभी अनलाइन\काठमाडौं : काठमाडौं उपत्यकामा पछिल्लो २४ घण्टामा ११ सय १० जना कोरोना संक्रमित थपिएका छन।

स्वास्थ्य तथा जनसंख्या मन्त्रालयका अनुसार काठमाडौंमा ८३२ ललितपुरमा १७६ र भक्तपुरमा १०२ जनालाई कोरोना संक्रमण पुष्टि भएको हो ।

आज देशभर २२ सय २५ जनामा कोरोना संक्रमण पुष्टि भएकोमा ११ सय १० जना उपत्यकामा थपिएका हुन्। आज थपिएका संक्रमितसँगै नेपालमा कुल संक्रमितको संख्या १ लाख ५५ हजार २३३ पुगेको छ।

यसैगरी गत २४ घण्टामा संक्रमणमुक्त हुनेको संख्या २८ सय ४६ छ । योसँगै हालसम्म १ लाख ८ हजार ३३४ जनाले कोरोना जितेका छन्। आज थप १३ जना संक्रमितको मृत्यु भएको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।