५ कार्तिक २०७७ , बुधबार

नर्भिक अस्पतालका सञ्चालक बसन्त चौधरीलाई कोरोना संक्रमण

हेल्थ टिभी अनलाइन \काठमाडौं : नर्भिक इन्टरनेशनल अस्पतालका सञ्चालक बसन्त चौधरीलाई कोरोना संक्रमण पुष्टि भएकोे छ ।

चौधरीले आफूलाई स्वास्थ्यमा असहज भएपछि कोरोना परीक्षण गर्दा रिपोर्ट पोजेटिभ आएको बताएका छन्। उनले आफूमा कोरोना संक्रमण भएको सामाजिक सञ्जालमार्फत जानकारी दिएका छन्।

उनमा मंगलबार राती कोरोना पुष्टि भएको हो । चौधरीले हालसम्म आफ्नो स्वास्थ्यमा समस्या नआएको र चिकित्सकको सल्लाहमा होम आइसोलेसनमा रहेको समेत जानकारी दिएका छन् । उनले विगत ५ दिन यता आफनो सम्पर्कमा आउने सबैलाई सचेतना अपनाउन र केही लक्षण देखिएमा चिकित्सकको सल्लाह लिन पनि आग्रह गरेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।