Health TV Online
Health TV Online

अबदेखि कोरोना संक्रमितले आफ्नै खर्चमा उपचार गर्नुपर्ने

अबदेखि कोरोना संक्रमितले आफ्नै खर्चमा उपचार गर्नुपर्ने

हेल्थ टिभी अनलाइन \काठमाडौं : सरकारले अब देखि कोरोना भाइरस संक्रमण पुष्टि भएमा आफ्नै खर्चमा उपचार गर्नुपर्ने जनाएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले आइतबारको मिडिया ब्रिफिङमा अबदेखि कोरोना संक्रमितले आफ्नै खर्चमा परीक्षण र उपचार गर्नुपर्ने जनाएका हुन्। यस भन्दा अघि कोरोना संक्रमितको उपचार सरकारले नि: शुल्क गर्दै आएको थियो ।

डा गौतमका अनुसार अग्रपङ्तीमा खटिएका स्वास्थ्यकर्मी, सुरक्षाकर्मी, अति विपन्न नागरिक, असहाय एकल महिला, अपांंगता भएका व्यक्तिको मात्रै सरकारले निशुल्क उपचार गर्ने निर्णय भएको हो । उनीहरुको हकमा पनि स्पष्ट लक्षण देखिएमा मात्र सरकारले उपचार गर्ने उनले जनाएका छन्। यदि उनीहरुले कोरोना बीमा गरेको भए सोही बीमा रकमबाट उपचार गरिने पनि डा गौतमले जानकारी दिए ।

उनले यो निर्णय आजैका मितिबाट लागू हुने पनि जनाए ।

 

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार