हेल्थ टिभी अनलाइन \काठमाडौं : हाल नेपालमा एउटा मात्र जिल्ला कोरोना संक्रमणमुक्त रहेको छ । स्वास्थ्य तथा जनसंख्या मन्त्रालयका अनुसार हाल मनाङ जिल्ला मात्र यस्तो जिल्ला हो जहाँ एक जना पनि सक्रिय संक्रमित छैनन्।

माघदेखि शुरु भएको कोरोना महामारी देशको ७७ जिल्लामा फैलिएको भए पनि हाल मनाङमा भने सक्रिय संक्रमित नरहेको मन्त्रालयले जनाएको छ । मनाङमा यसभन्दा अघि संक्रमण देखिए पनि अहिले उनीहरु निको भएर डिस्चार्ज भइसकेका छन्।

नेपालमा हालसम्म १ लाख १५ हजार ३५८ जनामा कोरोना संक्रमण पुष्टि भइसकेको छ भने ६६३ जनाले यसबाट ज्यान गुमाएका छन्। हाल देशभर ३५ हजार ९१५ जना सक्रिय संक्रमित रहेका छन्।