२७ अशोज २०७७ , मङ्लबार

सरकारले एन्टिजिन परीक्षणको शुल्क एक हजार तोक्यो

हेल्थ टिभी अनलाइन \काठमाडौं : सरकारले कोरोना भाइरस पत्ता लगाउनका लागि एन्टिजिन परीक्षण पनि गर्ने भएको छ ।

यो परीक्षणका लागि अधिकतम १ हजार रुपयाँ तोकिएको छ । राष्ट्रिय जनस्वास्थ्य प्रयोगशालाबाट स्विकृति पाएका प्रयोगशालाले मात्र यो परीक्षण गर्न पाउने स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताए। उनले यसमा प्रयोग हुने किट एफडीए र इयूए मान्यता प्राप्त भएका मात्र प्रयोग गर्नुपर्ने जनाए ।

यो विधिबाट परीक्षण गर्दा रिपोर्ट पोजेटिभ आएमा इपिडिमियोलोजी तथा रोग नियन्त्रण महाशाखा, सम्बन्धित स्वास्थ्य कार्यालय र सम्बन्धित व्यक्तिलाई जानकारी गराउनुपर्ने र रिपोर्ट नेगेटिभ आएमा परीक्षण गराउने व्यक्तिलाई मात्र जानकारी दिए पुग्ने पनि उनले जानकारी दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।