२६ अशोज २०७७ , सोमवार

दशैंमा घर जाँदा अनिवार्य ७ दिन क्वारेन्टाइनमा बस्नुपर्ने

हेल्थ टिभी अनलाइन \काठमाडौं : दशैंमा एक ठाउँबाट अर्को ठाउँमा जाँदा अनिवार्य रुपमा ७ दिन क्वारेन्टाइनमा बस्नुपर्ने भएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले दशैंमा धेरै जना गाउँ जाने भएकाले यसरी उपत्यका छोड्दा यी नियम बुझेर मात्र जानुपर्ने बताएका हुन्। उनले यात्रा गर्नु अघि ७ दिनसम्म आफूलाई सेल्फ क्वारेन्टाइनमा राखेर कुनै लक्षण नदेखिएमा मात्र यात्रा गर्न सुझाव दिए ।

यसैगरी गन्तब्यमा पुगेपछि पनि ७ दिन गाउँ नडुलेर अनिवार्य क्यारेन्टाइनमा बस्ने र यो बीचमा कोरोना सँग मिल्दो लक्षण देखिएमा तुरुन्त स्वास्थ्यकर्मीलाई सम्पर्क गर्न समेत आग्रह गरे।

दशैं नजिकिंदै गर्दा धेरै जना गाउँ फर्किने भएकाले पनि यही कुरालाई मध्यनजर गर्दै कोरोना नियन्त्रणका लागि सरकारले यो नियम लागू गरेको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।