हेल्थ टिभी अनलाइन\ काठमाडौं :  चिकित्सा शिक्षामा सुधारको माग राख्दै अनसनरत डा गोविन्द केसीले १९ औं आमरण अनसन तोडेका छन् ।

शनिबार राती सरकारसँग ८ बुँदे सहमति भएपछि डा केसीले आज २८ औं दिनमा अनसन ताेडेका हुन्।

डा केसीले त्रिवि शिक्षण अस्पतालका सफाइ कर्मचारी विकास नेपालीको हातबाट जुस पिएर अनसन तोडेका हुन् ।

डा केसी भदौ २९ गते जुम्ला पुगेर आफ्नो १९ औँ अनसन शुरु गरेका थिए । पछि सरकारले नै उनलाई जुम्लाबाट काठमाडौं ल्याएको थियो । स्वास्थ्य अवस्था नाजुक भएका कारण अनसन तोडे लगत्तै उनलाई अस्पतालकै आइसीयूमा लगिएको छ ।