हेल्थ टिभी अनलाइन \काठमाडौं : नेपालमा कोरोना संक्रमितको संख्या १ लाख नाघेको छ ।

पछिल्लो २४ घण्टामा थप २०५९ जनामा कोरोना संक्रमण पुष्टि भएसँगै कुल संक्रमितको संख्या १ लाख ६७६ पुगेको स्वास्थ्य तथा जनसंख्या मन्त्रालयले जनाएको छ ।

यसैगरी गत २४ घण्टामा १६८० जना संक्रमित कोरोना जितेर डिस्चार्ज भएका छन्। योसँगै हाल नेपालमा कोरोना जितेर निको हुनेको संख्या ७३ हजार २३ पुगेको मन्त्रालयले जनाएको छ । उता पछिल्लो २४ घण्टामा थप १० जना कोरोना संक्रमितको मृत्यु भएको छ । हाल देशभर सक्रिय संक्रमितको संख्या २७ हजार ५३ रहेको छ ।

हालसम्म ६ सय जनाको कोरोना संक्रमणबाट मृत्यु भएको मन्त्रालयले जनाएको छ ।