२३ अशोज २०७७ , शुक्रबार

बाँकेमा थप एक जना कोरोना संक्रमितको मृत्यु

हेल्थ टिभी अनलाइन \काठमाडौं : बाँकेमा कोरोना संक्रमणबाट थप एक जनाको मृत्यु भएको छ । स्वास्थ्य कार्यालय बाँकेका अनुसार नेपालगञ्ज उपमहानगरपालिका -१ धम्बोजी निवासी ८५ वर्षीया महिलाको कोरोना संक्रमणबाट मृत्यु भएको हो ।

योसँगै बाँकेमा कोरोना संक्रमणबाट मृत्यु हुनेको संख्या २३ पुगेको छ । आसोज २१ गते साँझ एक्कासी स्वास्थ्यमा समस्या आएपछि वृद्धालाई शुरुमा नेपालगञ्ज मेडिकल कलेज कोहलपुर लगिएकोमा त्यहाँ आइसीयू बेड नपाएपछि भेरी अस्पताल लगिएको थियो । कोरोनाको आंशका लागेर परीक्षण गर्दा २२ गते उनमा कोरोना पोजेटिभ रिपोर्ट आएको अस्पतालले जनाएको छ ।

त्यसयता अस्पतालकै कोभिड आइसीयूमा उपचार गरिएको भए पनि स्वास्थ्य अवस्था खराब हुँदै गएर हिजो राती उनको मृत्यु भएको अस्पतालले जनाएको छ । उनी लामोसमयदेखि दमको रोगी समेत रहेको खुलेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।