२१ अशोज २०७७ , बुधबार

पछिल्लो २४ घण्टामा १५ जना संक्रमितको मृत्यु, मृत्यु हुनेको संख्या ५७८ पुग्यो

हेल्थ टिभी अनलाइन \काठमाडौं : नेपालमा पछिल्लो २४ घण्टामा थप १५ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार देशका विभिन्न जिल्लामा गरी १० जना पुरुष र ५ महिला गरी १५ जनाको मृत्यु भएको हो । योसँगै कोरोना संक्रमणबाट मृत्यु हुनेको संख्या ५७८ पुगेको छ ।

आज मृत्यु हुनेहरुमा ललितपुर, चितवन, रुपन्देही,दाङ र नवलपरासीमा १\ १ जना रहेका छन्।

यसैगरी मोरङका २ जना पुरुष, सिराहा र रौतहटमा पनि एक एक जना रहेको मन्त्रालयले जनाएको छ । यसैगरी काठमाडौंमा मात्रै आज ६ जना संक्रमितको मृत्यु भएको छ । योसँगै १० महिला र ५ पुरुष गरी १५ जनाले पछिल्लो २४ घण्टामा कोरोनाबाट ज्यान गुमाएका छन्। नेपालमा कोरोना संक्रमणबाट हुने मृत्युदर शून्य दशमलब ६१ प्रतिशत रहेको पाइन्छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।