हेल्थ टिभी अनलाइन \काठमाडौं : नेपालमा पछिल्लो २४ घण्टामा थप ३४३९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा देशभर थप ३४३९ जनामा संक्रमण देखिएको हो ।

योसँगै कुल संक्रमितको संख्या ९४ हजार २५३ पुगेको छ ।उनीहरुमध्ये ५७८ जनाको मृत्यु भएको छ भने ६८ हजार ६६८ जना संक्रमणमुक्त भएका छन् । पछिल्लो २४ घण्टामा ११२६ जना संक्रमित कोरोना जितेर संक्रमणमुक्त भएको मन्त्रालयले जनाएको छ ।

हाल देशभर २५ हजार ७ सक्रिय संक्रमित रहेका छन्।   १४ हजार ४११ होम र १० हजार ५९६ जना संस्थागत आइसोलेसनमा छन् । उनीहरुमध्ये २३३ जनाको आईसीयू र ३७ जनाको भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा १० जना पुरुष र ५ महिलासहित थप १५ जना संक्रमितको मृत्यु भएको छ ।