२१ अशोज २०७७ , बुधबार

झापामा कोरोना संक्रमित २ महिने शिशुको मृत्यु

हेल्थ टिभी अनलाइन \झापा : झापाको मेची प्रादेशिक अस्पताल भद्रपुरमा कोरोना संक्रमणका कारण एक जना शिशुको मृत्यु भएको छ ।

भद्रपुर–८ का दुई महिने शिशुमा मृत्युपछि कोरोना भाइरसको संक्रमण पुष्टि भएको हो।

आफन्तले अस्पतालबाट शिशुको शव बुझेर घर लगेको तीन घण्टापछि कोरोनाको रिपोर्ट आएको अस्पतालले जनाएको छ । शिशुमा निमोनियासँगै श्वासप्रश्वासको समस्या देखिएपछि मंगलबार बिहान अस्पताल भर्ना गरिएको थियो।

अस्पताल आएको शिशुमा कोरोनासँग मिल्ने लक्षण देखा परेपछि स्वाब संकलन गरेर परीक्षण गर्दा आज रिपोर्ट पोजेटिभ आएको अस्पतालले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।