२० अशोज २०७७ , मङ्लबार

काठमाडौं उपत्यकामा १०१७ जना कोरोना संक्रमित थपिए

हेल्थ टिभी अनलाइन \काठमाडौं : काठमाडौं उपत्यकामा थप १०१७ जना नयाँ संक्रमित फेला परेका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा ७८३ जना, भक्तपुरमा ११६ जना र ललितपुरमा ११८ जनामा कोरोना पुष्टि भएको हो । मन्त्रालयका अनुसार देशभर आज १५५१ जना संक्रमित थपिंदा उपत्यकामा मात्रै १०१७ जना थपिएका हुन्।

पछिल्लो २४ घण्टामा कोरोनाको आशंकामा ११ हजार ४७ जनाको पीसीआर परीक्षण गरिएको थियो । हाल २२ हजार ७०९ जना सक्रिय संक्रमित रहेका छन्। यसैगरी गत २४ घण्टामा ९ जना कोरोना संक्रमितको मृत्यु भएसँगै नेपालमा कुल मृत्युको संख्या ५६३ पुगेको छ ।

काठमाडौं उपत्यकामा मात्रै आज ५ जना संक्रमितको मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।