हेल्थ टिभी अनलाइन \काठमाडौं : नेपालमा पछिल्लो २४ घण्टामा थप १९ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा देशभर ५ महिला र १४ जना पुरुष गरी १९ जना संक्रमितको मृत्यु भएको हो । यसरी एकैदिन मृत्यु हुने यो अहिलेसम्मकै उच्च संख्या हो ।

योसँगै नेपालमा कोरोना संक्रमणबाट मृत्यु हुनेको संख्या ५५४ पुगेको छ । यसरी मृत्यु हुनेहरुमा सुनसरी र पर्सामा १ \१ जना, सर्लाहीमा २ जना, चितवनमा १ जना रहेका छन्। यसैगरी गोरखा र नवलपरसाीमा पनि १ \१ जना संक्रमितको गत २४ घण्टामा मृत्यु भएको जनाइएको छ । सबैभन्दा धेरै काठमाडौं उपत्यकामा मात्रै १२ जना कोरोना संक्रमितको मृत्यु पुष्टि भएको छ । यसमध्ये काठमाडौंका ३ जना महिला र ६ जना पुरुष रहेका छन् । उता ललितपुरमा मात्रै ३ जना पुरुष संक्रमितको मृत्यु भएको मन्त्रालयले जनाएको छ ।

पछिल्लो समय नेपालमा संक्रमित र मृत्यु दर पनि बढ्दो क्रममा रहेको छ । यसमा पनि काठमाडौं उपत्यका सबैभन्दा बढी जोखिममा रहेको जनाइएको छ ।