१६ अशोज २०७७ , शुक्रबार

काठमाडौं उपत्यकामा एकैदिन अहिलेसम्मकै धेरै १६३८ जनामा कोरोना पुष्टि

हेल्थ टिभी अनलाइन\ काठमाडौं : काठमाडौं उपत्यकामा एकैदिन अहिलेसम्मकै धेरै १६३८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज उपत्यकामा संक्रमण पुष्टि हुनेहरुमा काठमाडौंका १२ सय ८० जना, भक्तपुरका १९६ र ललितपुरका १६२ जना रहेका छन्।

पछिल्लो २४ घण्टामा देशभर २७२२ जना संक्रमित थपिएका छन्। याेसँगै नेपालमा संक्रमितको कूल संख्या ८२ हजार ४५० पुगेको छ।

यसैगरी पछिल्लो २४ घण्टामा काठमाडौं उपत्यकाका ५ जनासहित थप ११ जना संक्रमितको कोरोना संक्रमणबाट ज्यान गएको छ । हालसम्म नेपालमा ५२० जनाले कोरोना संक्रमणबाट ज्यान गुमाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।