हेल्थ टिभी अनलाइन \काडमाडौं : नेपालमा कोरोना संक्रमणबाट ज्यान गुमाउनेको संख्या ५ सय नाघेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११ जना संक्रमितको मृत्यु भएसँगै कुल मृत्यु हुने संक्रमितको संख्या ५०९ पुगेको हो ।

आज कोरोना संक्रमणबाट मृत्यु हुनेहरुमा सुनसरीका ३ जना पुरुष, काठमाडौंका २ जना पुरुष, भक्तपुरका १ जना, बाँकेका एक महिला र एक पुरुष रहेका छन् । यसैगरी रुपन्देहीमा पनि आज ३ जना संक्रमितको मृत्यु भएको छ ।

नेपालमा कुल संक्रमितबाट मृत्यु हुनेको संख्या प्रतिशतमा निकाल्दा शून्य दशमलब ६५ रहेको मन्त्रालयले जनाएको छ ।