१२ अशोज २०७७ , सोमवार

काठमाडौं उपत्यकामा एकैदिन थपिए ८१७ जना संक्रमित

हेल्थ टिभी अनलाइन \काठमाडौं : काठमाडौं उपत्यकामा पछिल्लो २४ घण्टामा थप ८१७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज उपत्यकामा थप ८१७ जनामा कोरोना देखिएको हो । यसरी संक्रमण पुष्टि हुनेहरुमा काठमाडौंका ६४९ जना, ललितपुरका १३२ जना र भक्तपुरका ३६ जना रहेका छन्। यसैगरी गत २४ घण्टामा उपत्यकामा भक्तपुरका एक जना ५१ वर्षीय महिलासहित देशभर ४ जना संक्रमितको मृत्यु भएको छ । हाल देशभर १९ हजार ६२४ जना सक्रिय संक्रमित रहेको मन्त्रालयले जनाएको छ ।

आज देशभर १३५१ जना संक्रमित थपिएसँगै कुल कोरोना संक्रमितको संख्या ७४ हजार ७४५ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।