१२ अशोज २०७७ , सोमवार

पछिल्लो २४ घण्टामा थप १३५१ जना संक्रमित थपिए, ७४२ जना डिस्चार्ज

हेल्थ टिभी अनलाइन \काठमाडौं : नेपालमा पछिल्लो २४ घण्टामा थप १३५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभर गरी थप १३५१ जनामा कोरोना देखिएको हो । योसँगै नेपालमा कुल कोरोना संक्रमितको संख्या ७४ हजार ७४५ पुगेको छ । यसैगरी गत २४ घण्टामा ७४२ जना संक्रमित निको भएको मन्त्रालयले जनाएको छ । हालसम्म कोरोना संक्रमण भएर निको हुनेको संख्या नै ५४ हजार ६४० पुगेको छ ।

उता आज थप ४ जना संक्रमितको मृत्यु भएसँगै नेपालमा कोरोनाबाट मृत्यु हुनेको संख्या ४८१ पुगेको मन्त्रालयका प्रवक्ता डा जागेश्वर गौतमले जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।