२२४ संक्रमितको आईसीयूमा र २७ जनाको भेन्टिलेटरमा उपचार हुँदै
हेल्थ टिभी अनलाइन\ काठमाडौं : नेपालमा २२४ जना कोरोना संक्रमित देशका विभिन्न अस्पतालका आईसीयूमा उपचाररत रहेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार देशभर २२४ जना आईसीयूमा र २७ जना कोरोना संक्रमित भेन्टिलेटरमा उपचाररत रहेका छन्।
मन्त्रालयका अनुसार प्रदेश १ मा १५ जना आईसीयूमा र एक जना संक्रमित भेन्टिलेटरमा रहेका छन्। प्रदेश २ मा २० जना संक्रमित आईसीयूमा छन्। बाग्मतीमा १२१ जना आईसीयूमा र २३ जना भेन्टिलेटरमा रहेका छन्। यसैगरी गण्डकीमा ६ जना, प्रदेश ५ मा ४४ जना आईसीयूमा रहेका छन्। प्रदेश ५ मा ३ जना सिकिस्त भएका संक्रमितको भने भेन्टिलेटरमा उपचार भइहरेको छ ।
यसैगरी कर्णाली प्रदेशमा १८ जना संक्रमित आईसीयूमा रहेका छन्। सुदूरपश्चिममा भने संक्रमित आईसीयू र भेन्टिलेटरमा नरहेको मन्त्रालयले जनाएको छ ।
शनिबारसम्म देशभर १८ हजार ३४१ जना सक्रिय संक्रमित रहेको मन्त्रालयका प्रवक्ता डा जागेशवर गौतमले जनाएका छन्।
आज विश्व रेडक्रस दिवस मनाइँदै
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र