९ अशोज २०७७ , शुक्रबार

पोखरामा कोरोना संक्रमित महिलाले शल्यक्रिया मार्फत जन्माइन् बच्चा

हेल्थ टिभी अनलाइन \पोखरा : पोखरामा पहिलोपटक कोरोना संक्रमित गर्भवतीले शल्यक्रिया मार्फत बच्चा जन्माएकी छिन्।

भारतको विहार मोतीहारी घर भई पोखरा बस्दै आएकी २४ वर्षीया महिलाको बिहीबार साढे १ बजे शल्यक्रिया गरी बच्चा निकालिएको हो । आमाको स्वास्थ्य अवस्था सामानय रहेको अस्पतालले जनाएको छ । बच्चालाई भने एनआइसियुमा राखेर उपचार भइहरेको अस्पतालका निर्देशक डा अर्जुन आचार्यले बताएका छन्।

स्त्री तथा प्रसूति रोग विशेषज्ञ डा चुममाया पुनको नेतृत्वमा शल्यक्रिया भएको थियो। असोज ५ गते अस्पताल भर्ना भएकी उनमा ६ गते कोरोना संक्रमण पुष्टि भएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।