६ अशोज २०७७ , मङ्लबार

डा केसीलाई ट्रमा सेन्टरबाट त्रिवि शिक्षण अस्पताल लगियो

हेल्थ टिभी अनलाइन \काठमाडौं : डा गोविन्द केसीले ट्रमा सेन्टरमा कुनै सेवा लिन नमानेपछि उनलाई त्रिवि शिक्षण अस्पताल लगिएको छ ।

चिकित्सा शिक्षामा सुधारको माग राख्दै जुम्ला पुगेर अनसन बसेका डा केसीको स्वास्थ्य अवस्था कमजोर बन्दै गएपछि हिजो नेपालगञ्ज ल्याएर भेरी अस्पतालमा राखिएको थियो । उनलाई आज काठमाडौं ल्याएपछि सिधै राष्ट्रिय ट्रमा सेन्टर पुराइएको थियो । डा केसीले शिक्षण अस्पताल गएर अनसन जारी राख्ने जनाएका थिए । तर उनलाई उता लगिएपछि एकछिन प्रहरीसँग भनाभन भएको थियो ।

ट्रमामा उनको उपचारका लागि टोली नै बनाइएको भए पनि उनले आफूलाई जबरजस्ती ल्याइएको भन्दै उपचार लिन मानेका थिएनन र त्यसपछि ट्रमाबाट उनलाई डिस्चार्ज गरी शिक्षण अस्पताल पठाइएको हो । उनका समर्थकहरुले ट्रमा अस्पतालमा केहीबेर नाराबाजी समेत गरेका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।