१ अशोज २०७७ , बिहिबार

नेपालगञ्जका ४५ वर्षीय कोरोना संक्रमितको भेरी अस्पतालमा मृत्यु

हेल्थ टिभी अनलाइन \बाँके : बाँकेमा थप एक जना कोरोना संक्रमितको मृत्यु भएको छ ।

नेपालगञ्ज उप महानगरपालिका वडा नं- १ निवासी ४५ वर्षीय पुरुषको कोरोना संक्रमणका कारण मृत्यु भएको बाँके स्वास्थ्य कार्यालयले विज्ञप्ति जारी गर्दै जानकारी दिएको छ ।

भदौ २९ गते स्वास्थ्यमा समस्या आएपछि नेपालगञ्ज मेडिकल कलेज शिक्षण अस्पतालमा भर्ना भएका उनको कोरोनाको आशंकामा पीक्षण गर्दा ३१ गते रिपोर्ट पोजेटिभ आएको बताइएको छ ।

कोरोना पुष्टि भएपछि भेरी अस्पतालमा पठाइएको भए पनि उनको उपचारकै क्रममा आज बिहिबार साँझ ५ :१५ बजे मृत्यु भएको अस्पतालले जनाएको छ । योसँगै बाँकेमा कोरोना संक्रमणबाट मृत्यु हुनेको संख्या ९ पुगेको छ ।

विज्ञप्ति:

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।