हेल्थ टिभी अनलाइन \काठमाडौं : काठमाडौं उपत्यकामा पछिल्लो २४ घण्टामा ६७६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार मंगलबार काठमाडौंमा ५५५ , भक्तपुरमा ८६ र ललितपुरमा ३५ जनालाई कोरोना संक्रमण पुष्टि भएको हो ।

यसैगरी गत २४ घण्टामा देशभर १४ सय ५९ जना नयाँ संक्रमित थपिएका छन्। नेपालमा कोरोना संक्रमितको संख्या ५६ हजार ७८८ पुगेको छ।

उता २४ घण्टा १ हजार ६२ जना संक्रमित कोरोना निको भएर अस्पताल र आइसोलेसन सेन्टरबाट डिस्चार्ज भएका छन्। योसँगै देशभर कोरोना जित्नेको संख्या ४० हजार ६३८ पुगेको छ। हाल देशभर १५ हजार ७७९ जना सक्रिय संक्रमित रहेका छन्।