हेल्थ टिभी अनलाइन \काठमाडौं:  नेपालमा गत २४ घण्टामा थप ११ सय ७० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज विभिन्न जिल्लामा गरी थप ११ सय ७० जनामा कोरोना संक्रमण पुष्टि भएको हो । यो संख्यासँगै नेपालमा कुल कोरोना संक्रमितको संख्या ५५हजार ३२९ पुगेको छ ।

यसैगरी पछिल्लो २४ घण्टामा ८७९ जना संक्रमित कोरोना संक्रमणमुक्त भएका छन्। यससँगै कोरोना संक्रमणमुक्त भएकाहरुको संख्या ३९ हजार ५७६ पुगेको मन्त्रालयले जनाएको छ ।

मन्त्रालयका अनुसार गत २४ घण्टामा १५ जनाको कोरोनाबाट मृत्यु भएको छ । यो संख्यासँगै नेपालमा कोरोनाबाट मृत्यु हुनेको संख्या ३६० पुगेको छ ।