२७ भदौ २०७७ , शनिबार

थप १४ जना संक्रमितले गुमाए ज्यान, कोरोनाबाट मृत्यु हुनेको संख्या ३३६ पुग्यो

हेल्थ टिभी अनलाइन \काठमाडौं : नेपालमा पछिल्लो २४ घण्टामा थप १४ जना संक्रमितले ज्यान गुमाएका छन्।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार गत २४ घण्टामा देशभर १४ जना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ३३६ पुगेको छ ।

मन्त्रालयका अनुसार काठमाडौंमा एक महिला २ जना पुरुष गरी ३ जना, भक्तपुरका २ जना पुरुष, सुनसरीका एक जना पुरुष, पर्साकी ७८ वर्षीया महिला, चितवनका एक पुरुष, तनहुँकी ७६ वर्षीया महिलाको कोरोना संक्रमणबाट मृत्यु भएको छ । यसैगरी स्याङ्जा, गोरखा, कास्की र रुपन्देहीमा पनि १\१ जना पुरुषको कोरोनाबाट मृत्यु मन्त्राललयले जनाएको छ ।

नेपालमा संक्रमित हुनेहरुबाट मृत्युको दर शून्य दशमलब ६३ रहेको छ । हाल देशभर सक्रिय संक्रमितको संख्या १५ हजार २६० रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।