हेल्थ टिभी अनलाइन\ काठमाडौं : भक्तपुरका एक जना कोरोना संक्रमितको उपचारका क्रममा मृत्यु भएको छ ।

ललितपुर स्वास्थ्य कार्यालयले विज्ञप्ति जारी गदै भक्तपुरका ३८ वर्षीय पुरुषको उपचारका क्रममा मृत्यु भएको जनाएको छ । भदौ २६ गते ललितपुरको मेघा अस्पतालमा भर्ना भएका उनको उपचारकै क्रममा भदौ २७ गते शनिबार बिहान ७ :४० बजे मृत्यु भएको स्वास्थ्य कार्यालयले जनाएको छ ।

शनिबार बिहानैदेखि विभिन्न जिल्लामा संक्रमितको मृत्यको खबरहरु आइरहेका छन्। आज बिहानै मात्र पोखरामा पनि स्याङ्जाका संक्रमितको मृत्यु भएको थियो ।

स्वास्थ्य मन्त्रालयको हिजो सम्मको तथ्यांक अनुसार ३२२ जनाको कोरोनाबाट मृत्यु भइसकेको छ ।