अल्का अस्पतालमा उपचाररत कोरोना संक्रमितको मृत्यु

हेल्थ टिभी अनलाइन\ काठमाडौं : ललितपुरको जावलाखेलस्थित अल्का अस्पतालमा एक जना कोरोना संक्रमितको मृत्यु भएको छ ।

ललितपुर स्वास्थ्य कार्यालयले विज्ञप्ति जारी गर्दै काठमाडौंका ६७ वर्षीय कोरोना संक्रमितको अल्का अस्पतालमा मृत्यु भएको जानकारी दिएको हो ।

भदौ २३ गते बिहान अस्पताल आएका पुरुषको उपचारकै क्रममा सोही दिन साँझ ५ बजे मृत्यु भएको स्वास्थ्य कार्यालयले जनाएको छ ।

स्वास्थ्य तथा जनसंख्या मन्त्रालयका हिजो ४ बजेसम्मको तथ्यांक अनुसार देशभर ३०६ जनाले कोरोना संक्रमणबाट ज्यान गुमाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।