२४ भदौ २०७७ , बुधबार

चितवनमा १८ महिने शिशुसहित थप १२ जनामा कोरोना संक्रमण

हेल्थ टिभी अनलाइन\ चितवन: चितवनमा थप १२ जनामा कोरोना संक्रमण पुष्टि भएको छ ।

भरतपुर अस्पताल कोभिड १९ प्रयोगशालामा गरिएको परीक्षणमा थप १२ जनामा कोरोना पुष्टि भएको हो । अस्पतालले भदौ २३ गते २५७ जनाको परीक्षण गरिएकोमा १२ जनामा कोरोना देखिएको जनाएको छ । यसरी संक्रमण हुनेहरुमा भरतपुरका २ जना पुरुष र ७ जना महिला रहेका छन् भने माडीका १८ महिने शिशु र अर्का २७ वर्षका पुरुष रहेका छन्।

अर्का एक जना भने सिन्धुपाल्चोक घर भए पनि भरतपुर अस्पतालबाट स्वाब संकलन गरिएको प्रयोगशाला प्रमुख डा नीतु अधिकारीले जनाएकी छिन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।