२३ भदौ २०७७ , मङ्लबार

गण्डकीमा चिकित्सक एवं बिरामीसहित थप ५९ जनामा कोरोना पुष्टि

हेल्थ टिभी अनलाइन \काठमाडौं : गण्डकी प्रदेशमा थप ५९ जनामा कोरोना संक्रमण पुष्टि भएको छ ।

स्वास्थ्य निर्देशनालयका अनुसार आज विभन्न जिल्लामा चिकित्सक बिरामीसहित थप ५९ जनामा कोरोना संक्रमण पुष्टि भएको हो । योसगै गण्डकी प्रदेशमा कुल कोरोना संक्रमितको संख्या २६ सय ६० पुगेको छ ।

यसरी संक्रमण हुनेहरुमा पोखराको गण्डकी मेडिकल कलेजमा उपचाररत बिरामी साथै पार्कल्याण्ड अस्पतालकी एक जना महिला चिकित्सक समेत रहेकी छिन्। यसैगरी पोखरा फुड्स प्रा लिका थप २४ जना कर्मचारीमा पनि कोरोना देखिएको निर्देशनालयले जनाएको छ । उनीहरु सबकोै कन्ट्याक्ट टे्सिङ गर्दा कोरोना पोजेटिभ देखिएको हो ।
गण्डकी प्रदेश निर्देशनालयले आज बिहानदेखि छुट्टाछुट्टै तीनवटा विज्ञप्ति जारी गरेर ५९ जनामा कोरोना पुष्टि भएको जनाएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।