हेल्थ टिभी अनलाइन \काठमाडौं : प्राकृतिक चिकित्सक हुँ भन्दै विभिन्न माध्यममार्फत कोरोनाबारे अनावश्यक भ्रम फैलाउने व्यक्ति पक्राउ परेका छन्।

चिकित्सक हुँ भन्दै सुवास सुब्बा लिम्बुले मनोमानी रुपमा युट्युब च्यानल एवं सामाजिक सञ्जालमा कोरोना केही नभएको यसबाट डर पैदा गराएर कोरोना संक्रमणबाट मृत्यु भएका व्यक्तिबाट अंग निकालिने गरेको आरोप लगाएका थिए ।

महानगरीय अपराध महाशाखाको टोलीले अफवाह फैलाएको अभियोगमा लिम्बुलाई सोमबार पक्राउ परेको हो । ललितपुरको ढोलाहिटीमा रहेको आयुर्वेद क्लिनिकबाट उनलाई पक्राउ गरिएको हो ।

पछिल्लो समय लिम्बुले कोरोना हाउगुजी मात्र भएको र कोरोनाका बिरामी भन्दै कसैलाई हेर्न छुन नदिएर अस्पतालले व्यक्तिका महत्वपूर्ण अंग झिकेर बेच्ने गरेको आरोप लगाउँदै आएका थिए । आफूलाई चिकित्सक बताउने व्यक्ति कुनै पनि परिषदमा दर्ता छैनन्।