हेल्थ टिभी अनलाइन \काठमाडौं : चितवनको भरतपुर अस्पतालमा ३५ वर्षीया कोरोना संक्रमित महिलाको मृत्यु भएको छ । चितवन जिल्ला राप्ती नगरपालिका -९ की ३५ वर्षीया महिलाको आज साँझ ५ : १० बजे उपचारकै क्रममा मृत्यु भएको अस्पतालले जनाएको छ ।

खोकी र श्वासप्रश्वासमा समस्या भएर भदौ १४ गते मेडिकल आइसीयूमा भर्ना भएकी उनमा १७ गते कोरोना पुष्टि भएको थियो । मिर्गौला रोगी समेत रहेकी उनलाई कोरोना देखिएपछि कोभिड आइसीयूमा राखेर उपचार गरिएको भए पनि उनको अवस्था झनै जटिल बन्दै गएर आज मृत्यु भएको अस्पतालले जनाएको छ ।

स्वास्थ्य तथा मन्त्रालयले आज ४ बजेसम्मको तथ्यांक प्रस्तुत गर्दै २५७ जनाको कोरोनाबाट ज्यान गएको जनाएको थियो ।