१८ भदौ २०७७ , बिहिबार

थप १२ सय २८ जनामा संक्रमण, संक्रमितको संख्या ४२ हजार ८७७ पुग्यो

हेल्थ टिभी अनलाइन \काठमाडौं : नेपालमा गत २४ घण्टामा थप १२ सय २८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज देशभरका विभिन्न प्रयोगशालामा गरिएको परीक्षणमा आज थप १२ सय २८ जनामा संक्रमण देखिएको हो । योसँगै नेपालमा कुल कोरोना संक्रमितको संख्या ४२ हजार ८७७ पुगेकोछ ।

गत २४ घण्टामा ९१७ जना कोरोना जितेर डिस्चार्ज भएका छन्। योसँगै हालससम्म कोरोना जितेर डिस्चार्ज हुनेको संख्या २४ हजा २०७ पुगेको मन्त्रालयले जनाएको छ ।
हालसम्म देशभर कोरोनाको आशंकामा क्वारेन्टाइनमा रहनेको संख्या ६ हजार ७ सय ४९ रहेको छ ।

यसैगरी देशभर १८ हजार ४१३ जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।