स्वास्थ्यको सल्लाह : ५ सय बढी संक्रमित भए निषेधाज्ञा, २ सय बढी भए लकडाउन
हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले ५ सय भन्दा बढी सक्रिय संक्रमित भएका जिल्लामा निषेधाज्ञा र २ सय भन्दा बढी संक्रमित रहेको जिल्लामा लकडाउन गर्नुपर्ने जनाएको छ ।
स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले पछिल्लो समय संक्रमितको संख्या बढ्दै गएको अवस्थामा संक्रमित बढी र कम भएका जिल्ला छुट्याएर सोही बमोजिम के गर्ने भन्ने विषयमा तय गर्नुपर्ने जनाएका हुन्। उनले मन्त्रालयले ५ सय बढी सक्रिय संक्रमित भएको जिल्लामा निषेधाज्ञा र २ सय बढी संक्रमित भएको जिल्लामा लकडाउन गर्नुपर्ने राय दिएको बताएका हुन्।
हालसम्म कोरोनाका ५ सय भन्दा बढी संक्रमित भएका जिल्लाहरुमा बारा, पर्सा, महोत्तरी, धनुषा, चितवन, काठमाडौं, मोरङ, सुनसरी लगायतका जिल्ला रहेका छन्। ‘कोरोना हटस्पट’ का रुपमा लिइएको यी जिल्लामा अझै निषेधाज्ञा जारी गर्नुपर्नेमा मन्त्रालयले जोड दिएको डा गौतमले जिकीर गरे ।
गत २४ घण्टामा मात्रै नेपालमा १ हजार १२० जनामा कोरोना पुष्टि भएको छ । योसँगै नेपालमा कुल कोरोना संक्रमितको संख्या ४१ हजार ६४९ पुगेको छ । यसैगरी कोरोनाबाट हालसम्म २५१ जनाले ज्यान गुमाएका छन्।
दीर्घ जीवनका लागि रिस त्याग्नुहोस्, शान्त रहनुहोस
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?