डा भोला रिजाललाई कोरोना संक्रमण, ह्याम्स अस्पताल भर्ना
हेल्थ टिभी अनलाइन \काठमाडौं : वरिष्ठ स्त्री तथा प्रसुती रोग विशेषज्ञ डा भोला रिजाललाई कोरोना संक्रमण पुष्टि भएको छ । डा रिजाललाई ज्वरो आएपछि शनिबार स्वाब परीक्षण गर्दा रिपोर्ट पोजेटिभ आएको हो । उनीसँगै उनकी श्रीमतीमा पनि संक्रमण देखिएको छ ।
हेल्थ टिभी अनलाइनसँग कुरा गर्दै डा रिजालले आफू र श्रीमतीलाई कोरोना संक्रमण भएपछि आइतबारदेखि ह्याम्स अस्पतालको आइसोलेसनमा भर्ना भएको बताएका छन्। उनले भने, ‘मलाई अस्पतालमा काम गर्दा कुनै न कुनै दिन संक्रमित हुन सकिन्छ भनेर तयार नै थिएँ, तर मैले श्रीमतीलाई संक्रमण सारें भन्नेमा चाहिं दुख लागेको छ । अहिले हामी दुबै जना ठिक छौं हल्का ज्वरो बाहेक खासै समस्या आएको छैन्।’
उनले आफूहरुको उमेर र अन्य स्वास्थ्य समस्याका कारणले घरमा भन्दा अस्पताल भर्ना हुनु उचित ठानेर अस्पतालको आइसोलेसनमा आएर बसेको बताए ।
डा रिजालले स्वास्थ्यकर्मीहरु फ्रन्टलाइनमा बसेर जोखिम मोलेर सेवामा लागेका बेला उनीहरुको मनोबल बढाएर सहयोग गर्न समेत सर्वसाधारणलाई आग्रह गरेका छन्।
आज विश्व रेडक्रस दिवस मनाइँदै
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र