हेल्थ टिभी अनलाइन \काठमाडौं : सरकारले यही आर्थिक वर्षदेखि नवजात शिशुलाई भिटामिन ‘के’ दिने भएको छ।

स्वास्थ्य सेवा विभाग अन्तर्गतको परिवार कल्याण महाशाखाका  खोप शाखा प्रमुख डा झलक शर्मा गौतमले यसै वर्षबाट नवजात शिशुहरुलाई भिटामिन ‘के’ को सुई दिन लागिएको जनाएका हुन्। उनले त्यसका लागि खोप खरिद गर्न बजेट विनियोजन भइसकेको र सोही बमोजिम खोप खरिद गरी प्रदेश र स्थानीय तहमा पनि उपलब्ध हुने जनाए ।

उनले भिटामिन ‘के’ ले बालबालिकालाई घाउ चोटपटक लाग्दा हुने अत्यधिक रक्तश्राव रोक्ने जनाए । डा गौतमका अनुसार सरकारले हाल नेपालमा १२ प्रकारका खोपहरु बालबालिकालाई दिंदै आएको छ ।

भिटामिन ‘के’ नवजात शिशुहरुलाई सुईद्धारा दिइन्छ । डा गौतमले यो सुई लगाएपछि बालबालिकालाई घाउचोटपकबाट हुने रक्तश्रावलाई रोक्ने भएकाले धेरै नै उपयोगी हुने जनाए ।