हेल्थ टिभी अनलाइन\काठमाडौं : लुम्बिनी मेडिकल कलेज पाल्पामा उपचाररत एक जना कोरोना संक्रमितको मृत्यु भएको छ ।

पाल्पा तानसेन नगरपालिका–८ मदनपोखराकी ३० वर्षीया महिलाको कोरोनाबाट मृत्यु भएको हो । श्वासप्रश्वासमा समस्या भएपछि मेडिकल कलेज गएकी उनमा कोरोना परीक्षण गर्दा भदौ ७ गते कोरोना पुष्टि भएको थियो ।

कोरोना पुष्टि भएपछि उनलाई आइसोलेसनमा राखेर उपचार गरिएको थियो । उनको उपचारकै क्रममा शुक्रबार साँझ मृत्यु भएको लुम्बिनी मेडिकल कलेज पाल्पाले जनाएको छ ।