भेरी अस्पतालका थप २ जना चिकित्सकमा कोरोना पुष्टि
हेल्थ टिभी अनलाइन\ बाँके : बाँकेको भेरी अस्पतालमा कार्यरत थप दुई जना चिकित्सकमा कोरोना संक्रमण पुष्टि भएको छ ।
अस्पताल स्रोतका अनुसार बुधबार गरिएको परीक्षणमा थप दुई जना चिकित्सकमा कोरोना पुष्टि भएको हो । यसअघि अस्पतालका कन्सल्ट्यान्ट फिजिसियन डा राजन पाण्डे र कोभिड १९ का फोकल पर्सन समेत रहेका डा संकेत रिसाललाई कोरोना संक्रमण देखिएको थियो । उनीहरु यतिबेला आइसोलेसनमा छन्।
संक्रमण हुने चिकित्सकहरुमा एक जना फिजिसियन महिला र अर्का हाडजोर्नी विशेषज्ञ पुरुष रहेका छन्। पछिल्लो समय देशभरका अस्पतालमा कोरोना संक्रमितको उपचारमा खटिएका चिकित्सक एवं स्वास्थ्यकर्मी नै धमाधम संक्रमणमा पर्न थालेका छन्। भेरी अस्पतालका मात्रै हालसम्म ४ जना चिकित्सकसहित ६ जनामा कोरोना संक्रमण पुष्टि भइसकेको अस्पतालले जनाएको छ ।
तपाईँलाई पाइल्स छ ? यस्तो गर्नुहोस् खानपान
नेपालमा क्यान्सर सर्भाइभरलाई केन्द्रमा राखेर विशेष कार्यक्रम
नेपाल क्यान्सर सम्मेलन सम्पन्न
औषधिलाई नै नटेर्ने संक्रमण : विश्वसामु बढ्दो एएमआर चुनौती
मेवाका फाइदा