हेल्थ टिभी अनलाइन \धनगढी :  नेपालमा थप एक जना कोरोना संक्रमितको मृत्यु भएको छ । धनगढीको सेती प्रादेशिक अस्पतालमा उपचाररत संक्रमितको उपचारकै क्रममा मृत्यु भएको हो । मंगलवार साँझ कोरोना पुष्टि भएका गोदावरी नगरपालिकाका ४५ बर्षीय पुरुषको आज मृत्यु भएको हो ।

मंगलबार साँझसम्म उनको धनगढीको निसर्ग अस्पतालको आइसीयूमा उपचार भईरहेको थियो भने कोरोना पुष्टि भएपछि सेती प्रादेशिक अस्पतालमा लगेर अस्पतालको भेन्टिलेटरमा राखिएको थियो । उनको भेन्टिलेटरमा राखेर उपचार भइहरकै बेला मृत्युु भएको अस्पतालका सूचना अधिकारी दिलिप कुमार श्रेष्ठले बताए।

सूचना अधिकारी श्रेष्ठका अनुसार उनमा कडा खालको निमोनियाको समस्या थियो। उनको ट्राभल हिस्ट्री भने नभएको जनाइएको छ ।