हेल्थ टिभी अनलाइन \काठमाडौं : गण्डकी प्रदेशमा थप १३ जनामा कोरोना संक्रमण पुष्टि भएको छ ।

स्वास्थ्य निर्देशनालयले विज्ञप्ति जारी गर्दै थप १३ जनामा कोरोना देखिएको जनाएको हो । आजै बिहानै पनि निर्देशनालयले ११ जनामा संक्रमण पुष्टि भएको भन्दै विज्ञप्ति निकालेको थियो । योसँगै शनिबार मात्रै गण्डकीमा २४ जनामा कोरोना पुष्टि भएको छ ।

योसँगै गण्डकी प्रदेशमा कुल संक्रमितको संख्या १८६८ पुगेको छ । पछिल्लो समय पुष्टि भएका सबै संक्रमित पोखरा महानगरपालिकाका हुन्।