शेर भण्डारी\ डडेल्धुरा : अछामको बयालपाटा अस्पतालका १९ जना स्वास्थ्यकर्मी र कर्मचारीमा कोरोना भाइरसको संक्रमण पुष्टि भएको छ।

शुक्रबार डडेल्धुरा अस्पतालको प्रयोगशालामा गरिएको परीक्षणमा १९ स्वास्थ्यकर्मी र कर्मचारीमा कोरोना पुष्टि भएको हो।

बयालपाटा अस्पतालको विभिन्न विभागमा कार्यरत स्वास्थ्यकर्मी र कर्मचारीमा कोरोना भाईरसको संक्रमण देखिएको अस्पतालका स्वास्थ्य सेवा निर्देशक डाक्टर बिकाश गौचनले बताए।

उनका अनुसार संक्रमितमध्ये ५ जना अस्पतालको प्रयोगशालामा कार्यरत स्वास्थ्यकर्मी छन्। यसअघि अस्पतालका २ जनामा संक्रमण पुष्टि भएको थियो।