५ भदौ २०७७ , शुक्रबार

थप ८३८ जनामा कोरोना संक्रमण पुष्टि, संक्रमितको संख्या ३० हजार नाघ्यो

हेल्थ टिभी अनलाइन\ काठमाडौं : नेपालमा आज थप ८३८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विभिन्न जिल्ला गरी शुक्रबार थप ८३८ जनामा कोरोना संक्रमण देखिएको हो। योसँगै नेपालमा कोरोना संक्रमितको संख्या ३० हजार ४८३ पुगेको छ ।

मन्त्रालयका अनुसार गत २४ घण्टामा २५० जना कोरोना जितेर डिस्चार्ज भएका छन्। योसँगै हालसम्म कोरोना जितेर घर जानेको संख्या १८ हजार २१४ पुगेको छ । हालसम्म कोरोनाको आंशकामा १२ हजार २३४ जना क्वारेन्टाइनमा बसेका छन्।

गत २४ घण्टामा देशभरका विभिन्न प्रयोगशालामा गरी १३ हजार ५७९ जनाको नमुना परीक्ष्ण गरिएको थियो । आज मात्रै थप ११ जनाको कोरोनाबाट मृत्यु भएको छ । योसँगै नेपालमा कोरोना बाट मृत्यु हुनेको संख्या १३७ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।